Wieħed Malti
"ġabar kotra ta’ frott mir-raba tiegħu.”
(Lk 12:16)
------------
Il-Qawl Malti bl-leħen għoli u ħafna kburija qallu:
"Erfa’ w Sorr għal meta tiġi bżonn!"
---------
U allura l-Malti, ta’ Malti għaqli li kien,
“beda jaħseb u jgħid bejnu u bejn ruħu,
'X’se nagħmel? Għax dan il-frott kollu
m’għandix fejn naħżnu!' ”
(Lk 12:17)
-----------
Iżda kien determinat li jagħmel hekk kif qallu l-Qawl Malti u allura
…wara ħafna ħsieb ;-) ...
...x’imkien ;-) ...
…f’xi waħda mil-kantunieri kollhom għanqbut li kellu f’moħħu ;-)…
xegħlet bozza!!
“Ara x’nagħmel,” qal,
“inħott l-imħażen li għandi
u nibni oħrajn akbar,
u naħżen fihom…”
(Lk 12:18)
-----------
-----------
Il-Qawl Malti, t’għaref li kien, żerżaqlu kelmtejn oħra:
“Darba tgħix ħabib!
Kull u tpaxxa għax-għada għal-ġol kaxxa!”
---------
---------
Il-Malti kien kemmxejn dubjuż iżda
…ta’ Malti Patrijott li kien ;-)…
għoġbitu l-idea!!
“ngħid lili nnifsi:
‘Ruħi għandek ħażna kbira ta’ ġid għal bosta snin;
mela strieħ, kul, ixrob, ixxala!”
(Lk 12:19)
----------
----------
U Alla, bla ebda kburija, iżda b'leħen qawwi qallu:
“Iblaħ li int!”
(Lk 12:20)
Tassew li “darba biss tgħix” u tassew li “għada għal-ġol Kaxxa”:
“Dan il-lejl stess jitolbuk ruħek lura”
(Lk 12:20)
U, filwaqt li dak il-povru Malti prova jirkupra mix-xokk kbir li ħa, sema ‘l Alla jistaqsieħ:
“Il-ħwejjeġ li ħejjejt għalik ta’ min ikunu?”
(Lk 12:20)
-------------
Il-Malti baqa ssummat!
…U x’imkien fil-fond ta’ qalbu, dak il-Malti*, sema lil Alla jgħidlu:
…U x’imkien fil-fond ta’ qalbu, dak il-Malti*, sema lil Alla jgħidlu:
ARA MA JFETTILEKX!!!
--------------
…l-istorja ta' dak il-malti kompliet…
...għal kull Malti ieħor li jrid japplikaha l-istess storja għalih din tkompli…
...għal kull Malti ieħor li jrid japplikaha l-istess storja għalih din tkompli…
---------------
(*Ma nirrefferi għal ħadd ħlief għalija nnifsi! Ridt nuża l-kliem ta’ Ġesu, iżda billi l-istorja kienet fil-maskil ma kienitx possibli li nuża ‘ruth’. L-istorja kienet fil-passat u l-persuna ta “hu” u b’hekk anqas ma stajt nuża (l-persuna, fil-passat) “jien”. L-alternattiva kienet li nuża l-kelma “Malti” minħabba li din il-kelma ċertament tirrefferi/tinkludi u/jew tirrapreżenta lili wkoll. …ma stajtx nuża “Maltija” …b’kelma feminili ma stajtx inżomm il-kliem ta’ Ġesu!!!)
