Bdew iġibu l-iskużi!! (Luke 14:18)

“It-Tagħlim hu l-għajn ta’ kull ġid!”

…hekk kien jgħid (l-uniku dikjarat) Qaddis Malti!!

“It-Tagħlim hu l-għajn ta’ kull ġid!”

…u min jaf kemm il-darba ħareġ barra jippriedka bilqiegħda fuq siġġu!!! ;-)

------------

…imma għaliex?
…għaliex din l-insistenza kollha?!

Dun Ġorġ, ukoll jekk għex fis-seklu l-ieħor, ma tantx kien ‘ta’ wara l-muntanji’!! Illum kulħadd jirsisti għat-tagħlim u l-edukazzjoni. Kulħadd (ġeneralment) irid l-aħjar għall-uliedu! Kulħadd irid jilħaq u javvanza!!

Imma biex nilħaq u navvanza, irrid u ma rridx, BILFORS irrid nitgħallem! (…għax anke jekk tkun taf xi ras kbira …u b’xi mod jirnexxilek issib xi pożizzjoni tajba... xorta mistenni tagħmel xogħlok sewwa = almenu titgħallem dak li għandek tagħmel f’dik il-pożizzjoni!!!)

It-Tagħlim BLA DUBJU huwa mportanti!

----------

Illum la twebbsux qalbkom
iżda isimgħu leħen il-Mulej!

…Hekk qal il-versett ta’ qabel l-Evanġelju!

Huma l-Kliem li qal Alla lil-Poplu Lhudi wara li dan ma riedx jisimgħu!!

Il-Poplu t’Alla dam 40 sena jdur f’deżert!!

…u aħna?!
…JIEN?!

----------

JIEN kemm se ndum indur?!
…kemm se ndum indur qabel nisma’ lil Alla?!

…jew forsi MA RRIDX nisma?!

----------

“ma riedux jiġu” !!!! (Mt 22:3)

…ma riedux imorru għall-ikla li ħejjilhom Alla!!!

-----------

…biex qed tistgħaġeb rut?
…int mhux bħalhom tagħmel? :

“…ma tawx kas: min mar l-għalqa,
min għan-negozju tiegħu…” (Mt 22:5)

…jien m’għandix għalqa u anqas negozju!

Għalqa u negozju m’għandekx! (veru)
…imma skużi oħra għandek kemm trid!!!

---------

Illum l-Knisja f’Malta qed tiċċellebra

Jum it-Tagħlim Nisrani

u filwaqt li tgħidilna

li l-istess Tagħlim

mhuwhiex biss għat-tfal,

tħeġġiġna ninterressaw ruħhna.

---------

Dawn kienu l-kliem li fetħu l-omelija ta’ llum.
Dawn huma l-kliem li bihom ngħalaq jien.

Kristu jistenna minni tweġiba.

…imma x’se tkun iħalli f’idejja!

---------

Nhar il-Ġimgħa 10 t’Ottubru, ġewwa l-Canada, l-‘abortionist’ ewlieni tal-post ingħata mill-awtoritajiet l-ogħla premju possibbli ta’ l-istat. Bi tweġiba għall-dan l-att orribbli, l-Knisja fl-istess post, llum, il-Ħadd 12 t’Ottubru qed titfakkar ġurnata b’risq il-ħajja.

(ara: http://www.lifesitenews.com/ldn/2008/oct/08101001.html).

Il-link t’hawn taħt huwa vidjo relatat: http://www.youtube.com/watch?v=1gJPqmEybmg

------------

(Stampi, għalkemm bosta drabi maqtugħa, kienu misjuba fuq l-‘internet’ u jibqgħu propjeta tas-sidien veri tagħħom)